პაციენტს ალერგიული რეაქციები არ აღენიშნებოდა და ის ყოველწლიურად იცრებოდა გრიპის ვაქცინით,- ამის შესახებ ჯანდაცვის მინისტრმა, ეკატერინე ტიკარაძემ 27 წლის ექთანზე საუბრისას განაცხადა.
„ყველა სამედიცინო დაწესებულებას აქვს ჩეკ ლისტი, რომელიც პაციენტის ვაქინაციამდე აუცილებად ივსება. ჩვენთვის ცნობილია, რომ პაციენტს ალერგიული რეაქციები არ აღენიშნებოდა და ის ყოველწლიურად იცრებოდა გრიპის ვაქცინით, თუმცა აქ მნიშვნელოვანია, რომ გვერდითი მოვლენების მართვის კომიტეტმა დადოს დასკვნა და ასევე მნიშვნელოვანია, რომ საუნივერისტეტო კლინიკის ექიმებს მიეცეთ საშუალება, დეტალურად შეისწავლონ მისი არსებული მდგომარეობა და იპოვონ სწორი გამოსავლები“, – განაცხადა ეკატერინე ტიკარაძემ.
ცნობისთვის, ახალციხეში „ასტრაზენაკას” ვაქცინის გაკეთების შემდეგ ექთანი კომაში ჩავარდა.
