აშშ-ს მოქმედი პრეზიდენტი, დონალდ ტრამპი აცხადებს, რომ მისმა საგამოძიებო ჯგუფმა ასი ათასობით გაყალბებული ხმა აღმოაჩინა. ამის შესახებ ტრამპი სოციალურ ქსელ Twitter-ზე წერს.

„რატომ ჩქარობს ასე ძალიან ჯო ბაიდენი კაბინეტის ჩამოყალიბებას მაშინ, როცა ჩემმა გამომძიებლებმა აღმოაჩინეს ასობით ათასი გაყალბებული ხმა, საკმარისი იმისთვის, რომ სულ მცირე, ოთხი შტატის შედეგები შეიცვალოს, რაც თავის მხრივ, სრულიად საკმარისი იქნება არჩევნების მოსაგებად. იმედია, სასამართლოებსა და კანონმდებელ ორგანოებს ეყოფათ გამბედაობა, რომ გააკეთონ ის, რაც საჭიროა არჩევნებში მათი ჩართულობისთვის და აშშ-სთვის. ჩვენ მსოფლიო გვიყურებს“, – წერს ტრამპი.

შეგახსენებთ, რომ დონალდ ტრამპი არჩევნებში ბაიდენის გამარჯვებას არ აღიარებს და ამტკიცებს, რომ არჩევნები გაყალბებულია.

Why is Joe Biden so quickly forming a Cabinet when my investigators have found hundreds of thousands of fraudulent votes, enough to “flip” at least four States, which in turn is more than enough to win the Election? Hopefully the Courts and/or Legislatures will have….

— Donald J. Trump (@realDonaldTrump) November 22, 2020