აშშ-ს ყოფილმა პრეზიდენტმა, დონალდ ტრამპმა ახალი ვებ-გვერდი შექმნა, რომლის საშუალებითაც ის მხარდამჭერებთან კომუნიკაციას შეძლებს.
ინფორმაციას ამის შესახებ Guardian-ი ავრცელებს.
45office.com -ის საშუალებით დონალდ ტრამპი საკუთარ კამპანიას „ამერიკა უპირველეს ყოვლისა“ კვლავაც გააგრძელებს.
საიტი ტრამპის პრეზიდენტობის ისტორიის აღწერას მოიცავს, რომელსაც აშშ-ს ყოფილი პრეზიდენტი „ისტორიაში შესანიშნავ პოლიტიკურ მოძრაობას“ უწოდებს.
„დონალდ ტრამპის ოფისი მისი ადმინისტრაციის ბრწყინვალე მემკვიდრეობის შენარჩუნებას ცდილობს“,- ნათქვამია ვებ-გვერდზე გამოქვეყნებულ ინფორმაციაში.
ვებ-გვერდის საშუალებით მოქალაქეები შეძლებენ ტრამპს საკუთარი აზრები გაუზიარონ.
