ობახიძეს ვპირდები, ჩვენ მივიღებთ ისეთ გადაწყვეტილებას, რომელიც მას არ უნდა, რომ მივიღოთ, –
“მოვისმინე დღეს ირაკლი კობახიძის განცხადება. დიდი ხანია ადეკვატურობა დაკარგა ბატონი კობახიძის განცხადებებმა, მაგრამ ერთი რამ მინდა მას შევპირდე, “ნაციონალური მოძრაობა” მიიღებს იმ გადაწყვეტილებას, რომელიც არ უნდა კობახიძეს, ივანიშვილს და სხვა მის მსახურებს”,- ამის შესახებ “ნაციონალური მოძრაობის” წევრმა ხატია დეკანოიძემ ჟურნალისტებს განუცხადა.
ის გამოეხმაურა “ქართული ოცნების” თავმჯდომარის” ირაკლი კობახიძის განცხადებას “ნაციონალური მოძრაობის” პარლამენტში შესვლა-არშესვლასთან დაკავშირებით.
“ძალიან მალე იქნება ასეთი გადაწყვეტილება, რადგან ჩვენი პარტია ყველაზე დიდი ოპოზიციური პარტიაა და წარმოიდგინეთ, რამდენად სუსტი იქნება ოპოზიცია პარლამენტში ამ რეალობაში, თუნდაც გარადამავალ პარლამენტში “ნაციონალური მოძრაობის” გარეშე. ამიტომ ვპირდები კობახიძეს, მივიღებთ გადაწყვეტილებას, რომელიც არ უნდა მას, რომ ჩვენ მივიღოთ”, – აცხადებს დეკანოიძე.
შეგახსენებთ, ირაკლი კობახიძემ განაცხადა, რომ დემოკრატიისთვის უკეთესი იქნება, თუ “ნაცმოძრაობა” პარლამენტში არ შევა.
