გასულ უქმეებზე, ჯანდაცვის სამინისტროს რეკომენდაციების დარღვევის გამო 16 საკვები ობიექტი ჯამურად 160,000 ლარით დაჯარიმდა.
ამის შესახებ ჯანდაცვის სამინისტროს შრომის პირობების ინსპექტირების დეპარტამენტის უფროსმა, ბექა ფერაძემ განაცხადა.
„პარასკევს და შაბათ-კვირის განმავლობაში განხორციელდა ინსპექტირებები, ჯამში 26 კომპანიის შემოწმება, რომელთაგან 16-მა მათგანმა ვერ დააკმაყოფილა მოთხოვნები. 10 კი სრულად აკმაყოფილებდა მოთხოვნებს.
შესაბამისად თითოეული მათგანის მიმართ გამოყენებულ იქნა ადმინისტრაციული სახდელი – ჯარიმა 10 000 ლარის ოდენობით. საჯარიმო სანქციებმა შეადგინა 1600,000 ლარი“, – განაცხადა ბექა ფერაძემ.
ბექა ფერაძემ, ასევე, სასტუმროების შესახებ ისაუბრა და განაცხადა, რომ დარეგისტრირებული 939 სასტუმროდან საქმიანობის უფლება მხოლოდ 150 ობიექტს მიეცა, 175 სასტუმრომ მოთხოვნები ვერ დააკმაყოფილა, ხოლო დანარჩენებმა კი დამატებითი დრო ითხოვეს.
