დაუდგენელმა პირებმა, გაერთიანებული წყალმომარაგების ლაგოდეხის ფილიალი გაქურდეს. სერვისცენტრის მუშაობა შეჩერებულია

უქმე დღეების შემდეგ, სამსახურში მისულ თანამშრომლებს, ოფისის კარები დაზიანებული დახვდათ.

ფილიალის ოფისმენეჯერის, ნინო ბეკოშვილის განმარტებით, ოფისიდან ტექნიკაა წაღებული და სავარაუდოდ, დაკარგულია ორგანიზაციის ბეჭედიც.

„ჩემი და ფილიალის მენეჯერის ოთახების კარი დაზიანებულია. ოთხი მონიტორი და ლეპტოპია წაღებული. დილით რომ მოვედით ასე დაგვხვდა. საკრებულოს კარს რომ კეტავს დარაჯი, ჩვენი ოფისიც დაცულია. ცალკე დაცვა არ გვყავს“,- განაცხადა ბეკოშვილმა.

ამ წუთებში, სერვისცენტრის მუშაობა პარალიზებულია. ოფისში სამართალდამცავები იმყოფებიან და საგამოძიებო მოქმებებს ატარებენ.

კომპანია გაერთიანებული წყალმომარაგების ლაგოდეხის ფილიალი, მუნიციპალიტეტის საკრებულოს მესამე სართულზეა განთავსებული.

ავტორი: ხათუნა გულიაშვილი