„ძალიან გთხოვთ, მე არ ვიცი თქვენ რომელ არხს წარმოადგენთ, მაგრამ ჩემი ქვეყნის ჟურნალისტი ბრძანდებით, შეწყვიტეთ ჩემი და ჩემნაირი საქართველოს სხვა მოქალაქეების, ამ ქვეყნის ძალიან დიდი უმრავლესობის დაშინება და შეშინება ევროკავშირითა და ამერიკით, იმიტომ, რომ ჩვენ, ამ დაშინებით, არ შევიცვლით ჩვენს ორიენტაციას – ეს არის ევროატლანტიკური ორიენტაცია“, – ამის შესახებ ვიცე-პრემიერმა, საქართველოს კულტურის, სპორტისა და ახალგაზრდობის მინისტრმა თეა წულუკიანმა მთავრობის სხდომის დასრულების შემდეგ, მთავრობის ადმინისტრაციაში გამართულ ბრიფინგზე, ჟურნალისტის კითხვის საპასუხოდ განაცხადა.
მისივე თქმით, ოპოზიცია ლგბტ თემის ინტერესებს „საკუთარი ბინძური პოლიტიკური თამაშისათვის“ იყენებს.
„თქვენ, ყოველთვის, იმ ოპოზიციურ პარტიებთან ერთად, რომლებმაც ღიად დადგეს პროვოკაცია და ჩემთვის სამწუხაროდ, როგორც სტრასბურგის სასამართლოს ყოფილი თანამშრომლისთვის, ლგბტ თემი და მისი ინტერესები გამოიყენა საკუთარი ბინძური პოლიტიკური თამაშისათვის. თქვენ ყოველთვის აშინებთ ქართველებს უცხოელებით. ამით ძალიან დიდ საქმეს უკეთებთ რუსეთს და თამაშობთ რუსულ თამაშს. ამიტომ, შეწყვიტეთ ჩემი შეშინება ევროკავშირითა და ამერიკით. ესაუბრეთ თქვენს ქართველ ხალხს“, – განაცხადა თეა წულუკიანმა.
