„როდესაც ვაქცინები შემოვა, ყველაფერი გამართული უნდა გვქონდეს, რადგან უხერხულობის წინაშე არ აღმოვჩნდეთ, რომ ტექნიკურად ვერ დავაკმაყოფილოთ ის პირობები, რაც აუცილებელი, ვაქცინის ხარისხისთვის გადამწყვეტი და სასიცოცხლოა“, – ამის შესახებ ინფექციონისტმა, მაია ბუწაშვილმა „ტვ პირველის“ ეთერში საუბრისას განაცხადა.
როგორც ბუწაშვილი ამბობს, კოვიდვაქცინა რისკის ჯგუფებისთვის არის გადამწყვეტი და სასიცოცხლო.
„მინდა, მკაფიოდ დავაფიქსირო – ვაქცინაცია კაცობრიობის მონაპოვარია და ამიტომ, სხვა არცერთ ვაქცინას არ უნდა შეექმნას საფრთხე, მოცვის მხრივ, კოვიდის ვაქცინასთან დაკავშირებულმა კითხვებმა, რადგან საქართველოში იმ სტატუსამდე ვართ, რომ მოცვა ასე თუ ისე კარგი გვაქვს.
მე ვაქცინაციის კომისიაში ვარ და ერთადერთი განსხვავებული აზრი მაქვს, მიმაჩნია, რომ პირველ ეტაპზე კოვიდგადატანილები პრიორიტეტულ ჯგუფში არ უნდა იყვნენ. უნდა გამოცხრილონ.
არსებობს ბაზა, სადაც პირადი მონაცემებია შეტანილი, ვისაც კორნავირუსი დაუდასტურდა და ამის გამოცხრილვა ძალიან ადვილია. პრიორიტეტულ ჯგუფში ჯანდაცვის მუშაკები ისე უნდა გადანაწილდნენ, ვის გადატანილი აქვს და ვის არა, რადგან ვისაც ვირუსი გადატანილი აქვს, ვიცით, რომ იმუნიტეტი კარგახანს უნარჩუნდებათ“, – განაცხადა მაია ბუწაშვილმა.
