ვაშლიჯვრის ფერდობთან დაკავშირებით პირველად შეფასებას გერმანელი ექსპერტები სავარაუდოდ, დღეს გააკეთებენ.
გუშინ სპეციალისტებმა დეტალურად შეისწავლეს დაზიანების მასშტაბები და რისკები. დღის ბოლოს კი გერმანელმა გეოინჟინრებმა მერის მოადგილეს საკუთარი მოსაზრებები გააცნეს.
ცნობისთვის, რამდენიმე დღის წინ სოციალურ ქსელში გავრცელდა ფოტოები, რომლის თანახმადაც, ნუცუბიძისა და ვაშლიჯვრის დამაკავშირებელ გზასთან მდებარე ფერდობზე მეწყრული პროცესი გააქტიურდა.
თბილისის მერიის ინფორმაციით, მოსახლეობის უსაფრთხოების მიზნით, 16 მარტიდან აღნიშნულ ტერიტორიაზე საავტომობილო მოძრაობა ორმხრივად შეიზღუდა.
