„მტკიცებულებები იყო ერთმანეთთან შეთანხმებული და დამაჯერებელი. ვერ წარმოგვიდგენია, რატომ იყო დაცვის მხარისთვის ეს განაჩენი მოულოდნელი“,- ამის შესახებ გიორგი შაქარაშვილის საქმის პროკურორმა, ნანა გუგუტიშვილმა განაჩენის გამოცხადების შემდეგ განაცხადა.
როგორც პროკურორი აღნიშნავს, ბრალდების მხარეს გამამტყუნებელი განაჩენის მოლოდინი თავიდანვე ჰქონდა.
„ჩვენ გვქონდა გამამტყუნებელი განაჩენის მოლოდინი, ვინაიდან იმ მტკიცებულებების საფუძველზე, სხვა გონივრული მოლოდინი გარდა გამამტყუნებელი განაჩენისა წარმოუდგენელია, არათუ იურისტების მხრიდან, არამედ ადამიანის მხრიდან, რომელიც მოუსმენდა ფაქტებს, რომლებიც ამ პროცესზე იქნა გაჟღერებული
მტკიცებულებები იყო ერთმანეთთან შეთანხმებული და დამაჯერებელი. ვერ წარმოგვიდგენია, რატომ იყო დაცვის მხარისთვის ეს განაჩენი მოულოდნელი“, – განაცხადა პროკურორმა.
ფეხბურთელ გიორგი შაქარაშვილის საქმეზე დაკავებული პირები – ზ.ხ., აკაკი ქვრივიშვილი, ნიკოლოზ ცუცქირიძე, ლაშა შერმადინი, გიორგი მერაბიშვილი და ნიკოლოზ ქანაშვილი, მცხეთის რაიონულმა სასამართლომ დამნაშავედ ცნო.
