ძალიან სამწუხაროა, რაც სოფელ ბუკნარში მოხდა, ვიმედოვნებ, ყველაფერი უმოკლეს ხანში დასტაბილურდება და ერთი ერის წარმომადგენლები მეგობრულად გააგრძელებენ ცხოვრებას, – ასე გამოეხმაურა სოფელ ბუკნარში განვითარებულ მოვლენებს დასავლეთ საქართველოს მუფთი.
„სხვადასხვა პრობლემის და საკითხის მოგვარების ერთადერთი, უალტერნატივო გზა არის დიალოგი, იმედი მაქვს, რომ პირველ რიგში ადგილობრივი ხელისუფლების ჩართულობით, და დღეს, როგორც მაცნობეს, ადგილობრივი ხელისუფლების წარმომადგენლები შეხვდნენ. ძალიან კმაყოფილი დარჩნენ მლოცველები, ყველაფერი უმოკლეს ხანში დასტაბილურდება და ისევ ერთად, მეგობრულად, ძმურად განაგრძობენ ერთ სოფელში ცხოვრებას ერთი ერის წარმომადგენლები“, – განაცხადა შანთაძემ.
