“ნაციონალური მოძრაობის” ერთ-ერთი ლიდერი, ხატია დეკანოიძე სოციალურ ქსელში პოსტს აქვეყნებს და პროკურატურის მიერ ნიკა მელიასთვის საპარლამენტო იმუნიტეტის შეწყვეტის მოთხოვნასა და “ტვ პირველზე” გავრილოვის ინტერვიუს ეხმაურება.
“როგორ წარმოგიდგენიათ, ნამდვილი პროდასავლური ხელოსუფლების პირობებში გავრილოვი თუ გაბედავდა ან ჩამოსვლას, ან მითითებების მიცემას ოპოზიციის ლიდერის დაკავებაზე?
ვინც მელიას დაჭერას ემხრობა, ან ფიქრობს “რა დროს ბუნტია” – ვერასდროს იბრძოლებს თავისუფლებისთვის”, – წერს ხატია დეკანოიძე.
რუსეთის კომუნისტური პარტიის თავმჯდომარე “ტვ პირველისთვის” მიცემულ ინტერვიუში აცხადებს, რომ მელიას პასუხისმგებლობა უნდა დაეკისროს.
“თუ რუსეთთან ურთიერთობების აღდგენა არ მოხდება, ჩვენ ვიქნებით მონები და ტყვეები ასეთი მატყუარა, აგრესიული, ექსტრემისტული მტკიცებების, როგორსაც იყენებს ბატონი მელია… ბატონ მელიას, არის ასეთი ქუჩური გამოთქმა – გადააქვს ისრები. მას არს სურს მართლმსაჯულების წინაშე წარდგენა და ცდილობს, ისევ გაიხსენოს 2019 წლის მოვლენები რუსი დეპუტატების მონაწილეობით. ვფიქრობ, მე რომ სულაც არ ჩავმჯდარიყავი არანაირ სავარძელში, საერთოდაც არ მოვსულიყავი პარლამენტში, ავად გავმხდარიყავი, ისინი სახელმწიფო გადატრიალებას მაინც ეცდებოდნენ”, – აცხადებს გავრილოვი “ტვ პირველთან” ინტერვიუში.
