ვულოცავ ნიკა მელიას ევროპულ აღიარებას, – ასე ეხმაურება დავით ბერძენიშვილი ევროკავშირის მიერ ნიკა მელიასთვის გირაოს გადახდას.
მისი თქმით, ხელმომწერი პარტიები და განსაკუთრებით ცალკეული დეპუტატები, რომლებიც დინების საწინააღმდეგოდ წავიდნენ, ქართული პოლიტიკის რეალური ლიდერები ხდებიან.
„ნიკა მელია დანამდვილებით გამოდის ევროგირაოთი. გიორგი რურუა გარეთაა პრეზიდენტის აქტით.
ბრიუსელის და ქართული პასუხისმგებლობიანი ოპოზიციის ერთობლივად გააზრებული, კვალიფიციური პოლიტიკით ორივე პოლიტპატიმრის გათავისუფლება მოხერხდა მათი ღირსების შენარჩუნებით.
ახლა გზა გახსნილია უმნიშვნელოვანესი საკონსტიტუციო ცვლიელებებისკენ, სხვა არსებითი რეფორმებისკენ, რამაც საქართველო ლიბერალური დემოკრატიის ქვეყნად უნდა გადააქციოს კოალიციური მმართველობით, მართლმსაჯულების, თვითმმართველობის რეფორმით და ა.შ.
ხელმომწერი პარტიები და განსაკუთრებით ცალკეული დეპუტატები, რომლებიც დინების საწინააღმდეგოდ წავიდნენ, ხდებიან ქართული პოლიტიკის რეალური ლიდერები, რაც მომდევნო ორივე არჩევნებში დადასტურდება ელექტორალურად.
ვულოცავ ნიკა მელიას ევროპულ აღიარებას, ევროგირაოთი გათავისუფლებას.
აწი ოპოზიციის ორივე შემადგენლის თანამშრომლობის დროა და არა ნიშნის მოგების.”, – წერს დავით ზურაბიშვილი.
