WHO-ს მთავარი მეცნიერის, სუმია სვამინატანის განცხადებით, ვაქცინაციის დაწყების მიუხედავად, მსოფლიო ჯოგურ იმუნიტეტს 2021 წელს ვერ მიაღწევს. ინფორმაციას Guardian-ი ავრცელებს.
მისი თქმით, კოვიდის გავრცელების შესაჩერებლად ვაქცინების საკმარისი რაოდენობის საწარმოებლად დროა საჭირო.
„2021 წელს კოლექტიურ იმუნიტეტს ვერ მივაღწევთ“,- აცხადებს სვამინატანი.
ჯანმოს მთავარმა მეცნიერმა პრევენციული ზომების დაცვის აუცილებლობას, როგორიცაა სამედიცინო პირბადის ტარება, სოციალური დისტანცია, ხაზი კიდევ ერთხელ გაუსვა.
