„უახლოეს მომავალში ცხოვრების ძველ ნორმას ვერ დავუბრუნდებით. თუმცა, არსებობს გზამკვლევი იმ მდგომარეობამდე მისაღწევად, როდესაც დაავადების გაკონტროლება და ცხოვრების გაგრძელება შესაძლებელი იქნება“,- ამის შესახებ WHO-ს გენერალურმა მდივანმა ტედროს გებრეისუსმა განაცხადა. ინფორმაციას CNN-ი ავრცელებს.
„ჩვენ უნდა მივიდეთ ისეთ სიტუაციამდე, როდესაც ვირუსის კონტროლს ქვეყნების ჩაკეტვისა და კარანტინის გარეშე შევძლებთ“, – განაცხადა გებრეისუსმა.
მისი განმარტებით, ამისთვის სამი რამ იქნება საჭირო. ეს არის აქცენტი სიკვდილიანობის მაჩვენებლის შემცირებაზე და ტრანსმისიის შესუსტებაზე; „უფლებამოსილი, ჩართული საზოგადოება“, რომელიც ინდივიდუალურ ზომებს იღებს მთელი საზოგადოების დასაცავად და ძლიერი ხელმძღვანელობა და კომუნიკაცია.
„ეს უნდა გავაკეთოთ, აუცილებლად უნდა გავაკეთოთ“,- აღნიშნა მან.
