ჯანდაცვის მსოფლიო ორგანიზაციის განცხადებით, ავღანეთში ასობით სამედიცინო დაწესებულებას დახურვა ემუქრება, რადგან დასავლურ დონორებს, რომლებიც მათ აფინანსებენ, „თალიბანის“ ახალ მთავრობასთან ურთიერთობა ეკრძალებათ
ინფორმაციას ამის შესახებ Reuters-ი ავრცელებს.
გაეროს ჯანდაცვის სააგენტოს საგანგებო სიტუაციების სამსახურის დირექტორის, რიკ ბრენანის თქმით, ავღანეთში 2 300 სამედიცინო დაწესებულების 90%, შესაძლოა, უკვე მიმდინარე კვირას დაიხუროს.
როგორც ბრენანმა აღნიშნა, ჯანდაცვის მსოფლიო ორგანიზაცია ამ დანაკლისის შევსებას ჯანდაცვის 500 ცენტრისთვის მარაგის, აღჭურვილობისა და დაფინანსების მიწოდებით ცდილობს.
