„ნაციონალური მოძრაობის“ წევრის, ზაალ უდუმაშვილის განცხადებით, მეხუთე რაუნდის მოლოდინი აღარ არსებობს. ამის შესახებ მან „რუსთავი 2“-ის ეთერში განაცხადა.
„2 თვეა ველოდებით, როდის შეგვიწყვეტენ სადეპუტატო უფლებამოსილებას და ამის შემდეგ ქვეყანაში ოფიციალურად გაფორმდება ერთპარტიული პარლამენტი. მთელი პოლიტიკური პროცესები და პოლიტიკური დატვირთა გადაინაცვლებს პარლამენტს გარეთ, ოპოზიცია ამისთვის ემზადება. ოპოზიციურ პარტიებს გვექნება კონსულტაციები იმ მიმართულებით, როგორ და რა გეგმით ვაპირებთ ბრძოლას, რათა რაც შეიძლება მალე მივაღწიოთ იმას, რომ ახალი არჩევნები სწრაფად დაინიშნოს“, – განაცხადა უდუმაშვილმა.
51 დეპუტატისთვის უფლებამოსილების შეწყვეტის შესახებ პარლამენტი საკითხის განხილვას საკომიტეტო მოსმენაზე 27 იანვარს დაიწყებს.
