პარტიაში არაა ჩამოყალიბებული აზრი პარლამენტში შესვლასთან დაკავშირებით, – ამის შესახებ „ნაციონალური მოძრაობის” წევრმა, ზაალ უდუმაშვილმა განაცხადა.
მისივე თქმით, ნიკა მელია დაიწყებს აქტიურ შეხვედრებს სხვა ოპოზიციურ ლიდერებთან, რათა საერთო სტრატეგიაზე შეთანხმდნენ.
„მოგეხსენებათ, რომ პარტიაში არაა ჩამოყალიბებული აზრი პარლამენტში შესვლასთან დაკავშირებით. არის ორი პოზიცია და ორივე მხარეს არის არგუმენტები. ჩვენ მოვისმენთ ყველა მოსაზრებას და მხოლოდ ამის შემდეგ მივიღებთ შესაბამის გადაწყვეტილებას. ამას დასჭირდება გარკვეული დრო, დღეს ან ხვალ ეს არ იქნება. პარალელურად, ნიკა მელია დაიწყებს აქტიურ შეხვედრებს სხვა ოპოზიციურ ლიდერებთან, რათა ჩვენ შევთანხმდეთ საერთო სტრატეგიაზე, რომლითაც ოპოზიცია გავა არჩევნებზე“, – განაცხადა უდუმაშვილმა.
