თუ პარლამენტში შევედით, ეს არ ნიშნავს, რომ უარს ვამბობთ საერთოდ ქუჩის აქციებზე, – ამის შესახებ „ნაციონალური მოძრაობის” წევრმა, ზაალ უდუმაშვილმა „პალიტრანიუსის” ეთერში განაცხადა.
მისი თქმით, „ნაციონალური მოძრაობა” პარლამენტის ტრიბუნას საპროტესტო მუხტის გასაძლიერებლად გამოიყენებს.
„ჩვენ თუ პარლამენტში შევედით, ეს იმას არ ნიშნავს, რომ ჩვენ უარს ვამბობთ საერთოდ ქუჩის აქციებზე, პირიქით, ქუჩის აქციები იქნება და საპროტესტო მუხტიც იქნება … ჩვენ პარლამენტის ტრიბუნა სწორედ იმისთვისაც უნდა გამოვიყენოთ, რომ ეს საპროტესტო მუხტი კიდევ უფრო გაიზარდოს ქვეყანაში და მისი მობილიზაცია მოვახდინოთ. გაცილებით გაგვიჭირდება ამ საპროტესტო მუხტის მობილიზება, ჩვენ თუ ჩვენ არ ვიქნებით პარლამენტში წარმოდგენილი. დღეს ეს მოცემულობა დადგა და ამიტომ, ჩვენ ახლა იმაზე კი არ უნდა ვიფიქროთ, როგორი პრინციპულები ვართ, დგება მომენტები, როცა მოქნილობა უფრო წარმატებული შეიძლება აღმოჩნდეს, ვიდრე პრინციპულობა, ამიტომ ჩვენც ამ მოცემულობის მიხედვით უნდა ვიმოქმედოთ, რომელიც დღეს დადგა ქვეყანაში”, – განაცხადა ზაალ უდუმაშვილმა.
