“ყველას გილოცავთ ზაზა გახელაძის გათავისუფლებას, ვულოცავ ოჯახს, ეს ძალიან მნიშვნელოვანი წარმატებაა. მადლობას ვუხდი საქართველოს პრემიერ-მინისტრს, საქართველოს პრეზიდენტს, უწმინდესსა და უნეტარესს, სრულიად საქართველოს კათოლიკოს-პატრიარქს, ილია II-ს, მის მიერ გაწეული ძალიან დიდი შრომისთვის, ყველა უწყებას, სახელმწიფო უსაფრთხოების სამსახურს, საგარეო საქმეთა სამინისტროს და შინაგან საქმეთა სამინისტროს“, – ასე გამოეხმაურა იურიდიულ საკითხთა კომიტეტის თავმჯდომარე ანრი ოხანაშვილი უკანონო პატიმრობიდან ზაზა გახელაძის გათავისუფლებას კომიტეტის სხდომაზე.
„მოლაპარაკებები ძალიან საჭირო და ეფექტიანი მექანიზმია იმისთვის, რომ ჩვენ ჩვენი ქვეყნის პოლიტიკა გავატაროთ და ჩვენი ქვეყნის ინტერესები დავიცვათ აბსოლუტურად ყველგან. მადლობა ამ ოჯახს მოთმინებისთვის და რაც მთავარია, ისინი გრძნობდნენ სახელმწიფოს თანადგომას. ჩვენი ორი მოქალაქე ჯერ კიდევ რჩება უკანო ტყვეობაში და მათ ოჯახებსაც მივმართავ, სახელმწიფო იქნება თქვენ გვერდით, არასოდეს მიგატოვებთ და შედეგი იქნება წარმატებული და ყველა პირი, რომელიც უკანონო ტყვეობაშია, გათავისუფლდება“, – აღნიშნა ანრი ოხანაშვილმა.
შეგახსენებთ, უკანონოდ დაკავებული ზაზა გახელაძე გუშინ გათავისუფლდა.
