“ნაციონალური მოძრაობის“ დეპუტატი რომან გოცირიძე უარყოფს ინფორმაციას, რომ შინაგან საქმეთა ყოფილი მინისტრი ვანო მერაბიშვილი, სამცხე-ჯავახეთის ერთ-ერთ ოლქში მაჟორიტარობისთვის იბრძოლებს. გოცირძემ „პრაიტაიმნიუსთან“ საუბრისას ამ ინფორმაციას, „ჟურნალისტების ფანტაზიის ნაყოფი“ უწოდა.
„ვანო მერაბიშვილს არ განუცხადებია ხმამაღლა, რომ ის არჩევნებში კენჭისყრას აპირებს. მხოლოდ და მხოლოდ ჟურნალისტების ფანტაზიების ნაყოფი იყო ის, რომ ახალციხეში მაჟორიტარობის კანდიდატობას პირებს. არასდროს მას არ განუცხადებია ხმამაღლა, რომ არჩევნებში აპირებს მონაწილეობის მიღებას. თვითონ იტყვის, რომელ ოლქეში იქნება მაჟორიტარობის კანდიდატი“,- განაცხადა გოცირიძემ.
ინფორმაციისთვის, რამდენიმე კვირის წინ მერაბიშვილის პოლიტიკურ გეგმებზე ღიად ისაუბრა საქართველოს ყოფილმა პრეზიდენტმა მიხეილ სააკაშვილმა. როგორც მან დიმიტრი გორდონისთვის მიცემულ ინტერვიუში განაცხადა, „მერაბიშვილი სახალხო არჩევნებში გამარჯვებისთვის ემზადება“.
ავტორი: ეკატერინე ზარნაძე
