ზუგდიდში, ხუბულავას ქუჩაზე ავტოსაგზაო შემთხვევა მოხდა. სატვირთო მანქანა ველოსიპედით მოსიარულეს შეეჯახა. დაშავებული ზუგდიდის რეფერალურ ჰოსპიტალში გადაყვანილია.
საავადმყოფოს კლინიკურმა მენეჯერმა, სულხან ორჟონიამ განაცხადა, რომ პაციენტი უკიდურესად მძიმე მდგომარეობაშია. მას სხეულის მრავლობითი დაზიანებები აღენიშნება.
მამაკაცი ხელოვნურ სუნთქვაზე იმყოფება. მას უკვე ჩაუტარდა ოპერაცია. მისი ჯანმრთელობის მდგომარეობა მძიმეა.
შინაგან საქმეთა სამინისტროში აცხადებენ, რომ გამოძიება დაწყებულია საქართველოს სისხლის სამართლის კოდექსის 276-ე მუხლის მეორე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
ავტორი: თეა შონია
