„გირჩი – მეტი თავისუფლებისთვის“ ლიდერი, ზურაბ ჯაფარიძე გამოდის ინიციატივით, რომ ოპოზიციონერებმა პარლამენტს მანდატების შეწყვეტისთვის კიდევ ერთხელ მიმართონ.
როგორც ჯაფარიძე ამბობს, 15 მაისის აქციასთან დაკავშირებით დეტალები ჯერ უცნობია.
„ჩემი აზრით, ყველამ, ვისაც მანდატები აქვს, კიდევ ერთხელ უნდა მივმართოთ პარლამენტს, რომ შეგვიჩეროს მანდატები. მე ეს გადაწყვეტილება მიღებული მაქვს სერიოზულად და მგონია, რომ გასაკეთებელია.
ისე აღმოჩნდა, რომ დღეს მე ვიყავი ერთადერთი, ვინც უშუალოდ იღებდა მონაწილეობას ამ მოლაპარაკებების პროცესში. სხვა პარტიების ლიდერებიდან არავინ ესწრებოდა, ამიტომ დამსწრეებს აინტერესებდათ, კონკრეტულად როგორ მიმდინარეობდა მოლაპარაკების რაუნდი, როგორი იყო პროცედურები და შევეცადე, მაქსიმალურად მომეყოლა, რაც ხდებოდა. ამის შემდეგ იყო საუბარი მომავალ გეგმებზე და რა შეიძლება იყოს შემდეგი ნაბიჯები, რა შეიძლება გააკეთონ პარტიებმა, მათ შორის ახლა იწყებენ მსჯელობას 15 მაისის აქციაზე. ჯერ ვერ მოგიყვებით ვერაფერს, შეთანხმება არაფერზე არ ყოფილა, რადგან მე ადრე გამოვედი“, – განაცხადა ზურაბ ჯაფარიძემ.
