“გირჩი- მეტი თავისეულების” ლიდერებმა და მხარდამჭერებმა სახელმწიფო უსაფრთხოების სამსახურის წინ საყოფაცხოვრებო ნაგავი მიიტანეს და დაყარეს.
“ჩვენი გზა არის, ნერვების მოშლის, საბოტაჟისა და პარალიზების გზა. დღესაც ისეთი აქციაა, რომელმაც წესით უნდა გააღიზიანოთ. საყოფაცხოვრებო ნაგავი დაახლოებით 30-მდე ადამიანმა აღარ ჩავყარეთ ყუთებში, მოვიტანეთ და დავყარეთ სუსი-ს შესასვლელთან, რადგან ეს ადგილია ბოროტების ამ ქვეყანაში, არაფრის გაპროტესტებას აზრი არ აქვს ცესკოსთან, ან მსგავს სტრუქტურებთან, რადგან აქედან იმართება ეს ქვეყანა. ესენი მართავენ, ესენი აშანტაჟებენ, ესენი აშინებენ, ესენი ატარებენ ამ ქვეყანაში არჩევნებს. მგონია, ერთ-ერთი საპროტესტო სამიზნე უნდა იყოს ეს შენობა”,- განაცხადა ზურაბ ჯაფარიძემ.
მოგვიანებით, სამართალდამცველებმა ზურაბ ჯაფარიძე, საყოფაცხოვრებო ნარჩენების დაყრის გამო 80 ლარით დააჯარიმეს.
