„გირჩი მეტი თავისუფლების“ ლიდერმა, ზურაბ ჯაფარიძემ აღმაშენებლის გამზირზე ბარი გახსნა.
მისი თქმით, ამ ფორმით ქვეყანაში დაწესებულ შეზღუდვებს აპროტესტებს.
ამასთან ჯაფარიძე ამბობს, ბარი შეზღუდვების მიუხედავად ღამის საათებშიც იმუშავებს.
„ეს არის პოლიტიკური დაუმორჩილებლობის აქტი. ვიცით, რომ ქვეყანაში უამრავი შეზღუდვა მოქმედებს, მათ შორის, „კომენდანტის საათი”, რაც კაფეს, ბარის, რესტორნის ფუნქციონირებას ეხება. ეს არის დაუმორჩილებლობის აქტი, რომლის მიზანია ეს შეზღუდვები გააპროტესტოს.
ვითხოვთ, რომ ყველა შეზღუდვა მოიხსნას. ეს ბარი უკვე არღვევს რეგულაციას, როგორც ხედავთ, შიგნით ხალხი ზის, ასევე დაარღვევს „კომენდანტის საათსაც“, – აცხადებს ზურაბ ჯაფარიძე.
