დიდ ბრიტანეთში საქართველოს საელჩო მოქალაქეების საყურადღებოდ განცხადებას ავრცელებს, რომელსაც უცვლელად გთავაზობთ:

„COVID-19 ვირუსის ახალი შტამის გავრცელების შეზღუდვის მიზნით, 18 იანვრიდან ინგლისში მგზავრობის წესებში ცვილილება შედის:

გაერთიანებული სამეფოს მთავრობის გადაწყვეტილებით, ყველა საერთაშორისო მოგზაური, ბრიტანეთის მოქალაქეების ჩათვლით, რომელიც მიემგზავრება ინგლისში, ვალდებულია წარადგინოს COVID-19 ვირუსზე PCR ტესტის უარყოფითი პასუხი, რომელიც გამგზავრებამდე 72 საათის ფარგლებში იქნა ჩატარებული.

ახალი რეგულაციის გაუთვალისწინებლობის და ტესტის პასუხის არქონის შემთხვევაში, მგზავრს დაეკისრება ჯარიმა – £500;

ყველა მგზავრი ვალდებულია ჩამოსვლის შემდეგ გადავიდეს 10 დღიან თვითიზოლაციაში;

მგზავრებმა ასევე უნდა შეავსონ სპეციალური ფორმა (locator form – იხ. https://www.gov.uk/provide-journey-contact-details-before… ) და დაემორჩილონ ქვეყანაში მოქმედი კარანტინის შეზღუდვებს;

ზემოხსენებული წესები მოქმედებს საჰაერო, სახმელეთო და საზღვაო გზით საერთაშორისო მგზავრობის შემთხვევაში.