ნაციონალურმა საკალათბურთო ასოციაციამ და „ინდიანა პეისერსმა“ დღეს ოფიციალურად განაცხადეს, რომ 2021 წლის NBA All-Star, რომელიც ინდიანაპოლისში უნდა ჩატარებულიყო, გაუქმდა.
All Star-ი ყველაზე პოპულარული საკალათბურთო ღონისძიებაა ამერიკაში, რომელსაც ყოველ წელს უამრავი გულშემატკივარი მოუთმენლად ელოდება. ამერიკაში არსებული ეპიდსიტუაციიდან გამომდინარე „პეისერსის“ და NBA-ს კომიტეტი იძულებული გახდა ეს გადაწყვეტილება მიეღოთ.
„დამწუხრებულები ვართ, რომ 2021 წელს ინდიანაპოლისში NBA All-Star აღარ გაიმართება. „პეისერსი“ ამ მატჩს და მთლიან ღონისძიებას 2024 წელს უმასპინძლებს“, – განაცხადა NBA-ის კომისიონერმა ადამ სილვერმა.
შეგახსენებთ, რომ NBA-ს ახალი სეზონი 22 დეკემბერს უჩვეულო ფორმატით განახლდება და რეგულარულ სეზონში გუნდები 82-ის ნაცვლად 72 მატჩს ჩაატარებენ.
