ახალი ზელანდიის პრემიერ-მინისტრის, ჯასინდა არდენის განცხადებით, ქვეყანამ Pfizer-ის კორონავირუსის ვაქცინის 10 მილიონი დოზა შეიძინა, რომელიც მოსახლეობის მთლიანი რაოდენობის ასაცრელად საკმარისია.

ინფორმაციას ამის შესახებ Guardian-ი ავრცელებს.

არდენის განცხადებით, ქვეყანამ Pfizer-ის ვაქცინაზე არჩევანი  მას შემდეგ შეაჩერა, რაც კვლევებმა სიმპტომატური ინფექციის შემთხვევაში ეფექტურობა აჩვენა.

„ეს შენაძენი ახალი ზელანდიისთვის მნიშვნელოვანი ნაბიჯია კორონავირუსის პანდემიასთან ბრძოლაში. ახლა ყველას შეგვიძლია ვიყოთ დარწმუნებული, რომ გვაქვს კოვიდთან ბრძოლის ერთ-ერთი ეფექტური საშუალება“,- განაცხადა ჯასინდა არდენმა.

ცნობისთვის, პანდემიის დაწყებიდან დღემდე ახალ ზელანდიაში კორონავირუსი 2,405 შემთხვევა დაფიქსირდა. ვირუსს 26 ადამიანის სიცოცხლე ემსხვერპლა.

გამოჯანმრთელებულთა რაოდენობა 2,301-ს შეადგენს.

WATCH LIVE: The government has purchased enough of the Pfizer/BioNTech Covid-19 vaccine for every New Zealander, Prime Minister Jacinda Ardern says.https://t.co/OS0XIBN09a

— RNZ (@radionz) March 8, 2021