პარტია „მოქალაქეების” ერთ-ერთი ლიდერი ლევან იოსელიანის განცხადებით, „ქართული ოცნების” მიერ ინიცირებული კანონპროექტები, რომლებიც პარტიების დაფინანსების წესს და საარჩევნო რეგისტრაციის გაუქმებას ეხება, ოპოზიციაზე წნეხს ემსახურება.
„ზოგადად, მიმაჩნია, რომ ოპოზიციონერ კოლეგებზე ხელისუფლების მხრიდან ამგვარი წნეხი არ არის სწორი. სად გადააგზავნიან არ ვიცი, თუმცა, მგონია, რომ საბოლოო ჯამში, ამ ნაწილში “ქართულ ოცნებას” მოუწევს უკან დახევა, იმიტომ, რომ მოლაპარაკების დროს ასეთი ტაქტიკის არჩევა არ არის სწორი, რადგან ეს საბოლოო ჯამში მიდის იქამდე, რომ აყირავდება მოლაპარაკების მაგიდა,”- განაცხადა ლევან იოსელიანმა.
ცნობისთვის, „ქართული ოცნება” ვენეციის კომისიას და ეუთო/ოდირს უგზავნის იმ კანონპროექტებს, რომლებიც პარტიების დაფინანსების წესს და საარჩევნო რეგისტრაციის გაუქმებას ეხება.
