„ბოიკოტი არ იძლევა არაფერს, გარდა იმისა, რომ ეს ხალხი ჩამოშორებულია საპარლამენტო საქმიანობას, მაგრამ ამავე დროს სარგებლობენ ყველა იმ სიკეთით, რაც პარლამენტის დეპუტატს გააჩნია. ამიტომ, თუ ვინმეს ბოიკოტი უნდა, წავიდეს ბოიკოტზე, მაგრამ უარი თქვას ყველაფერზე, რაც საპარლამენტო მანდატს მოსდევს. თუ არის პარლამენტში, მაშინ კეთილი ინებოს და მიიღოს ყველა პროცესში მონაწილეობა”,- ამის შესახებ პარტია „მოქალაქეების” წევრმა ლევან იოსელიანმა განაცხადა.
“მერწმუნეთ, მეც არ მსიამოვნებს ბევრი რამის კეთება, მაგრამ ჩემი მანდატი მავალდებულებს, რომ ამ პროცესში ვიყო და მაქსიმალურად საჯარო გავხადო ყველაფერი, რაც პარლამენტში ხდება. თუ პარლამენტის წევრის დანიშნულებას არ ასრულებ, მაშინ უნდა წახვიდე და სხვა საქმით დაკავდე”,- განაცხადა იოსელიანმა.
