გერმანიის კანცლერი ანგელა მერკელი „ასტრაზენეკას“ ვაქცინით აიცრა. 66 წლის მერკელმა ვაქცინის პირველი დოზა ბერლინის ტემპელჰოფის ყოფილ აეროპორტში გაიკეთა, სადაც ამჟამად ვაქცინაციის ცენტრია მოწყობილი.

„მოხარული ვარ, რომ დღეს „ასტრაზენეკას“ ვაქცინის პირველი დოზა მივიღე. მადლობას ვუხდი ყველას, ვინც მონაწილეობს ვაქცინაციის კამპანიაში – და ყველას, ვინც იცრება. ვაქცინაცია არის პანდემიის დაძლევის საშუალება,“- განაცხადა მერკელმა.

ინფორმაციას და ვაქცინაციის მოწმობას გერმანიის მთავრობის ოფიციალური წარმომადგენელი, შტეფენ ზაიბერტი ავრცელებს.

Kanzlerin #Merkel: „Ich freue mich, dass ich heute die Erstimpfung mit AstraZeneca bekommen habe. Ich danke allen, die sich in der Impfkampagne engagieren – und allen, die sich impfen lassen. Das Impfen ist der Schlüssel, um die Pandemie zu überwinden.“ pic.twitter.com/P4kMJYNrlc

— Steffen Seibert (@RegSprecher) April 16, 2021