„კაცი, რომელმაც ბრალდებები წამოაყენა და დამტკიცებაც არ უნდა, დღეს როგორ იდგა ტრაპეზთან, არ რცხვენია?“,- ამის შესახებ მამა ათინოგენმა ჭყონდიდის ეპარქიაში მიმდინარე მოვლენებთან დაკავშირებით საუბრისას განაცხადა.
როგორც მამა ათინოგენი ამბობს, მათ სიმართლისთვის სჯიან.
„კაცი, რომელმაც ბრალდებები წამოაყენა და დამტკიცებაც არ უნდა, დღეს როგორ იდგა ტრაპეზთან. ჩვენ ასე გვარიგებდნენ ჭკუას პირველ შეხვედრაზე, რომ როცა ადამიანი ძმაზე ნაწყენი იქნება უნდა შეურიგდესო. არ რცხვენია ტრაპეზთან რომ დგას? ან ეს სასულიერო პირები რომ დასდევენ უკან, რომელთა უმეტესი ნაწილი მეუფე პეტრეს ნაკურთხია. ესენი ოდესმე ქრისტეს გზაზე წაიყვანენ ადამიანებს? სისულელეებს ამბობს და მერე ამას რომ ხვდება, აღარ იცის მერე. მღვდლისთვის განკვეთა არის სიკვდილი და სინოდმა სიკვდილისგან უნდა იხსნას, თითოეული მათგანი ქრისტეს განსახიერება უნდა იყოს. ესენი კლავენ იმისთვის, რომ სიმართლეს ვამბობთ“,- ამბობს მამა ათინოგენი.
ჭყონდიდის ეპარქიის მიტროპოლიტმა, მეუფე სტეფანემ საკვირაო ქადაგებისას განაცხადა, რომ ეპარქიიდან კიდევ ოთხი მამაო განკვეთა.
მათ შორის არიან ის მღვდელმთავრები, რომლებიც მკვეთრად აფიქსირებდნენ თავიანთ პროტესტს და არ ემორჩილენოდნენ მიტროპოლიტ სტეფანეს.
სტეფანეს მიერ განკვეთილი მამაოები, ჭყონდიდის ყოფილი მიტროპოლიტის, მეუფე პეტრეს მიმართ წაყენებული ბრალის დამტკიცებასა და პატრიარქის მიმართ წაყენებული ბრალდებების, სინოდის სხდომაზე განხილვას ითხოვდნენ.
