„მოქალაქეების“ თავმჯდომარე ალეკო ელისაშვილი ამბობს, რომ საარჩევნო რეფორმაში ყველა იდეა მაქისმალურად არის გაერთიანებული და რეფორმამ ნდობა უნდა დაიბრუნოს.
„არავის აქვს პრეტენზია, რომ ახალ სახარებას ან 10 მცნებას დავწერდით, საარჩევნო ცვლილებების სახით. მაგრამ აქ მაქსიმალურად არის ყველას იდეა გაერთიანებული. არჩევნებმა უნდა დაიბრუნოს ნდობა და დარწმუნებული ვარ ეს ჩაწიკწიკებული საარჩევნო რეფორმა დაიმსახურებს ვენეციის კომისიის მოწონებას“,- აღნიშნა ალეკო ელისაშვილმა.
ცნობისთვის, დღეს პარლამენტში საარჩევნო კოდექსში შესატანი ცვლილებების განხილვა დაიწყო. დოკუმენტი რეკომენდაციებისთვის ვენეციის კომისიას უკვე გაეგზავნა.
„ქართული ოცნების” წარმომადგენლების თქმით, კანონპროექტს მეორე მოსმენით იქამდე არ განიხილავენ ვიდრე მასზე ვენეციის კომისიის შეფასება არ გახდება ცნობილი.
