აშშ-ის პრეზიდენტი, დონალდ ტრამპი ვენაში მომხდარ ფაქტს ეხმაურება. როგორც პრეზიდენტი ამბობს, უდანაშაულო ადამიანების წინააღმდეგ განხორციელებული ბოროტი თავდასხმები უნდა შეწყდეს.

„ევროპაში მომხდარი კიდევ ერთი საშინელი ტერორისტული აქტის შემდეგ, ჩვენი ლოცვა ავსტრიელ ხალხთანაა. უდანაშაულო ხალხის მიმართ განხორციელებული ეს ბოროტი თავდასხმები უნდა შეწყდეს. ტერორიზმის, მათ შორის რადიკალი ისლამისტი ტერორისტების წინააღმდეგ ბრძოლაში ამერიკის შეერთებული შტატები ავსტრიის, საფრანგეთისა და მთელი ევროპის გვერდით დგას“,-  წერს დონალდ ტრამპი „ტვიტერში“.

ვენაში თავდასხმა 2 ნოემბერს, ადგილობრივი დროით 20:00 საათზე მოხდა. შეიარაღებულმა პირმა ცეცხლი ექვს სხვადასხვა ლოკაციაზე გახსნა, მათ შორის ერთი სინაგოგის მიმდებარე ტერიტორია იყო. დაღუპულია სამი ადამიანი, დაშავებულია 15 პირი.

შსს მოსახლეობას მოუწოდებს, არ დატოვონ სახლები და დაიცვან უსაფრთხოების ზომები.

Our prayers are with the people of Vienna after yet another vile act of terrorism in Europe. These evil attacks against innocent people must stop. The U.S. stands with Austria, France, and all of Europe in the fight against terrorists, including radical Islamic terrorists.

— Donald J. Trump (@realDonaldTrump) November 3, 2020