ავსტრიის შინაგან საქმეთა მინისტრი, კარლ ნეჰამერი ვენის მოსახლეობას სახლებში დარჩენისკენ კვლავ მოუწოდებს. ამის შესახებ ნეჰამერი სოციალურ ქსელ Twitter-ზე წერს.

„ვენაში მცხოვრებ ხალხს:

• გთხოვთ დარჩეთ სახლში;
• შეეცადეთ თავი აარიდოთ ქალაქის ცენტრს;
• დღეს სკოლებში გაკვეთილებზე დასწრება სავალდებულო არ არის. ამიტომ თქვენი შვილები სახლში იყოლიეთ“,- წერს მინისტრი.

ვენაში განხოციელებული ტერორისტული თავდასხმის შემდეგ პოლიცია შესაძლო თავდამსხმელის დასაკავებლად ოპერაციას ატარებს.

შეგახსენებთ, რომ ვენაში თავდასხმა 2 ნოემბერს, ადგილობრივი დროით 20:00 საათზე მოხდა. პოლიციის ინფორმაციით, შეიარაღებულმა პირმა ცეცხლი სხვადასხვა ლოკაციაზე გახსნა, მათ შორის ერთი სინაგოგის მიმდებარე ტერიტორია იყო.

Für die Menschen in Wien gilt:
– Bleiben Sie bitte, wenn möglich, daheim.
– Meiden Sie bitte die Innenstadt.
– Es herrscht heute keine Schulpflicht in Wien. Wenn möglich, betreuen Sie Ihre Kinder bitte daheim. 4/4

— Karl Nehammer (@karlnehammer) November 3, 2020