საფრანგეთსა და ავსტრიაში განხორციელებული თავდასხმების შემდეგ, დიდმა ბრიტანეთმა ტერორისტული საფრთხის დონე გაზარდა. ინფორმაციას Guardian-ი ავრცელებს.

გამოცემის ცნობით, ტერორისტული საფრთხის დონის გაზრდის გადაწყვეტილება მთავრობის ტერორიზმის საფრთხის ანალიზის ცენტრმა მიიღო.

კერძოდ, დიდ ბრიტანეთში გამოცხადდა ტერორიზმის საფრთხის მეორე დონე, რაც ნიშნავს, რომ ქვეყანაში ტერორისტული თავდასხმების დიდი ალბათობაა.

შეგახსენებთ, რომ ვენაში თავდასხმა 2 ნოემბერს, ადგილობრივი დროით 20:00 საათზე მოხდა. ერთი თავდამსხმელი პოლიციამ მოკლა. ის ავსტრიისა და ჩრდილეოთ მაკედონიის ორმაგი მოქალაქეობის მქონე 20 წლის მამაკაცია.

ასევე, 29 ოქტომბერს, საფრანგეთის ქალაქ ნიცაში დანით შეიარაღებულმა პირმა სამი ადამიანი მოკლა და რამდენიმე დაჭრა.