არასამთავრობო ორგანიზაცია „ალტერნატივას“ წევრებმა ბათუმის მეჩეთთან საქართველოს დროშა აღმართეს. როგორც ორგანიზაციის წევრები აცხადებენ, ისინი ამ ფორმით ნინო წილოსანის განცხადებას ეხმაურებიან. „ალტერნატივას“ ხელმძღვანელი ხათუნა ბერიძე ამბობს, რომ საქართველოში მცხოვრები ქართველი მუსლიმები ქართველები არიან და პარლამენტის წევრის განცხადება, მიუღებელია.
„ეროვნება და რელიგია ორი სხვადასხვა რამ არის და მისი დიფერენცირება უნდა შეძლოს ყველა რელიგიური მრწამსის ადამიანმა. ხაზგასმით მინდა აღვნიშნო ნინო წილოსანის განცხადება, მუსლიმანი და ქართველები კი არა, ქართველი მუსლიმები და ქართველი ქრისტისნები ოდითგანვე ტოლერანტულად თანაცხოვრობდნენ საქართველოში და არამარტო ამ ორი რელიგიის წარმომადგენელი, არამედ ასხვა რელიგიური აღმსარებლობის ადამიანები საუკუნეების მანძილზე ვცხოვრობთ ერთად.
ჩვენ დღეს სიმბოლურად მოვიტანეთ დროშა და აღვმართეთ ის მეჩეთთან, რადგან ეს დროშა აერთიანებს ყველა რელიგიის წარმომადგენელს, იმიტომ რომ, ეს არის ქართული სიმბოლო და არ შეიძლება რელიგიის გამო ქართველებს შორის მოხდეს დაპირისპირება და მით უმეტეს, პოლიტიკისებმა ისაუბრონ ამ კონტექსტში და იმის გამო, რომ არ არიან ქრისტიანები, მათ ვუწოდოთ არაქართველები“ – აცხადებს ხათუნა ბერიძე.
შეგახსენებთ, ჩოხატაურის მუნიციპალიტეტის სოფელ ბუკნარში განვითარებული მოვლენების დროს, ნინო წილოსანმა განაცხადა, რომ “ქართველ და მუსლიმ ადამიანებს შორის არაფერი გასაყოფი არ არის.
ავტორი: ნაირა ქობულაძე
