ბათუმში, ჯავახიშვილის 78 ნომერში . ე.წ. „იაფი სახლის“ პროგრამით აშენებულ კორპუსებში დაახლოებით 40-მდე ოჯახი თვითნებურად ისევ შეიჭრა.
როგორც ისინი აცხადებენ, სოციალურად დაუცველი და უსახლკარო ადამიანები არიან, არ აქვთ საშუალება ქირით იცხოვრონ. სწორედ ამიტომ გადაწყვიტეს თვითნებურად შესახლება.
„ქირით ვცხოვრობ წლებია, მცირეწლოვანი შვილები მყავს, არ მაქვს არანაირი საშუალება, ვერ ვმუშაობ, მეუღლე ავადაა, ისიც უმუშევარია, ვეღარ ვიხდი ბინის ქირას. სად წავიდე მითხარით, ქუჩაში ხომ ვერ ვიცხოვრებ. უკიდურესმა გაჭირვებამ გადაგვადგმევინა ეს ნაბიჯი. მოგვაქციოს სახელმწიფომ ყურადღება. არ გავალთ აქედან ცოცხალი, თავს მოვიკლავ თუ ძალით გაყვანას დააპირებენ”- აცხადებს ერთ-ერთი თვითნებურად შესახლებული.
შეგახსენებთ, ე.წ. „იაფი სახლის“ პროგრამით ბათუმის მერია შერჩეულ ბენეფიციარებს ბინებს საკუთრებაში სიმბოლურ ფასად ლარად გადასცემს, სამომავლოდ გამოსყიდვის უფლებით. ბენეფიციარები 3 ათასი განცხადებიდან შეარჩიეს.
შემთხვევის ადგილას მობილიზებული არიან საპატრულო პოლიციის ეკიპაჟები და ბათუმის მერიის მუნიციპალური ინსპექციის წარმომადგენლები.
ავტორი: ნაირა ქობულაძე
