აშშ-სა და რუსეთის პრეზიდენტების შეხვედრა, სავარაუდოდ, მომავალ თვეში ჟენევაში შედგება.
ინფორმაციას ამის შესახებ CNN-ი წყაროებზე დაყრდნობით ავრცელებს.
წყაროების ცნობით, ბაიდენსა და პუტინს შორის პირველი შეხვედრა, სავარაუდოდ, 15-16 ივნისს გაიმართება.
ეს ბაიდენის გაპრეზიდენტების შემდეგ რუსეთის პრეზიდენტთან პირველი ოფიციალური შეხვედრა იქნება.
აღსანიშნავია, რომ ბაიდენი რუსეთის პრეზიდენტს 2011 წელს, ვიცე-პრეზიდენტის ამპლუაში შეხვდა, რის შემდეგაც ბაიდენმა თქვა, რომ არ ჰგონია პუტინს სული ჰქონდეს.
ასევე, გაპრეზიდენტების შემდეგ ბაიდენმა პუტინს მკვლელი უწოდა და აღნიშნა, რომ ის აშშ-ს 2020 წლის საპრეზიდენტო არჩევნებში ჩარევის გამო შესაბამის ფასს გადაიხდის.
