„ევროპული საქართველოს“ ერთ-ერთი ლიდერი, სერგი კაპანაძე პარტია „მოქალაქეების“ პარლამენტში მისვლას ეხმაურება.
როგორც სერგი კაპანაძე ამბობს, ამ ფაქტით ოპოზიციაში არაფერი იცვლება.
მანდატების შეჩერების პროცესის გაჭიანურებით ვფიქრობ, „ქართული ოცნება“ ქმნის ილუზიას, თითქოს ოპოზიცია შედის პარლამენტში.
რაც შეეხება ბატონი ელისაშვილის და მისი კოლეგის მისვლას პარლამენტში, ეს თემა ჩემთვის სრულიად უინტერესოა, არაფერი იცვლება ელისაშვილი სად შევა, სად მივა და რას იტყვის, ჩვენთვის არაფერს არ ცვლის. რაც შეეხება მეხუთე რაუნდს, იქნება იმ შემთხვევაში, თუ „ოცნება“ წამოვა რაიმე კომპრომისზე. ინდივიდუალური შეხვედრები არ იქნება. შევხვდებით ელჩებთან ერთად, თუ მათი მხრიდან იქნება მზაობა, წამოვიდნენ კომპრომისზე, რაზეც აქამდეც იქნება საუბარი“, – განაცხადა სერგი კაპანაძემ.
ცნობისთვის, ალეკო ელისაშვილი და ლევან იოსელიანი პარლამენტის თავმჯდოამრე არჩილ თალაკვაძეს და მამუკა მდინარაძეს შეხვდნენ.
