ევროკავშირის საბჭოს პრეზიდენტი შარლ მიშელი ვენაში მომხდარ თავდასხმას ეხმაურება და დაღუპულების ოჯახებსა და ვენის მოსახლეობას თანაგრძნობას უცხადებს.
„ევროპა მკაცრად გმობს ამ მხდალ საქციელს, რომელიც ანადგურებს სიცოცხლეს და არღვევს ჩვენს ადამიანურ ღირებულებებს. დღეს მომხდარი საზარელი თავდასხმის შემდეგ ჩემი ფიქრები დაღუპულების ოჯახებსა და ვენაში მცხოვრებ ხალხთან არის,“- წერს შარლ მიშელი სოციალურ ქსელ „ტვიტერში“.
შეგახსენებთ, ვენაში, სინაგოგასთან ახლოს, 6 სხვადასხვა ლოკაციაზე თავდასხმები მოხდა, რის შედეგადაც, დაღუპულია სულ მცირე 2 და დაშავებულია 15 ადამიანი. პოლიცია თავდამსხმელებს ამ დრომდე ეძებს.
