გერმანია ვაქცინირებული პირებისთვისა და მათთვის, ვინც კოვიდი გადაიტანა, შეზღუდვებს შეამსუბუქებს.
ინფორმაციას ამის შესახებ Reuters-ი ავრცელებს.
გერმანიის იუსტიციის მინისტრის განცხადებით, ვაქცინირებულ პირებსა და მათ, ვინც კოვიდი დაამარცხა, ვირუსის ტესტზე უარყოფითი პასუხის წარდგენის გარეშე შეეძლებათ სალონებში, ტურისტულ ადგილებსა და შოპინგზე წასვლა.
ასევე, მათთვის კომენდანტის საათი გაუქმდება და არც სოციალური კონტაქტების შეზღუდვა შეეხებათ.
გერმანიის მთავრობის აღნიშნული განკარგულება ბუნდესტაგმა და ბუნდესრატმა უნდა დაამტკიცოს, რის შემდეგაც ის ძალაში შევა.
