პარტია „მოქალაქეების“ ერთ-ერთი ლიდერი, ლევან იოსელიანი ირაკლი ღარიბაშვილის პრემიერად წარდგენას ეხმაურება და ამბობს, რომ მისი დამოკიდებულება ოპოზიციასთან მიმართებით აუცილებლად ქმედებაში აისახება, რაც ქვეყანაში სიტუაციას კიდევ უფრო გაართულებს.
„ღარიბაშვილის პერსონიდან გამომდინარე, მისი დამოკიდებულება ოპოზიციის მიმართ ცნობილია. ეს დამოკიდებულება აისახება ქმედებებში, რაც უფრო გაართულებს მდგომარეობას ქვეყანაში. მე მოველოდი, რომ „ქართული ოცნება“ ისეთ კანდიდატურას შემოგვთავაზებდა, რომელიც ამ ფონს დაამშიდებდა და ყველაფერს გადაიყვანდა მოლაპარაკების რეჟიმში, თუმცა ირაკლი ღარიბაშვილის კანდიდატურა ამ მიზნისთვის არ არის საუკუთესო“,- განაცხადა ლევან იოსელიანმა.
18 თებერვალს პრემიერმინისტრი გიორგი გახარია, მელიას საქმის გამო თანამდებობიდან გადადგა. როგორც გახარიამ განმარტა, მისთვის მიუღებელია, რომ ერთი ადამიანის გამო სხვა ადამიანების სიცოცხლეს საფრთხე დაემუქროს.
„ქართულმა ოცნებამ“ პრემიერ-მინისტრობის კანდიდატად ირაკლი ღარიბაშვილი წარადგინა.
გახარიას გადადგომასთან დაკავშირებით, შინაგან საქმეთა სამინისტრომ მელიას საქმეზე დაგეგმილი ღონისძიება დროებით გადადო.
