„გირჩის“ ლიდერი, ზურაბ ჯაფარიძე კომისიის წევრის მიერ არჩევნების დღეს საარჩევნო უბანზე მისულ ამომრჩევლებისთვის სიცხის გაზომვას და ხმამაღლა გამოცხადებას ითხოვს.
ჯაფარიძის თქმით, ამომრჩევლებს საარჩევნო უბანზე საკუთარი თერმომეტრით მისვლაც უნდა აეკრძალოთ.
„საარჩევნო კომისიის წევრმა, რომელიც იქნება რიგის მარეგულირებელი, ყოველ ჯერზე, როდესაც გაუზომავს სიცხეს მოსულ ამომრჩეველს, მისის სხეულის ტემპერატურა უნდა გამოაცხადოს ხმამაღლა, რათა გასაგები იყოს ყველა ადამიანისთვის, ვინც იქნება საარჩევნო უბანზე. მეორე – იგივე წევრმა, როდესაც ჩაატარებს თრმოსკრინინგს, ამომრჩეველს უნდა აჩვენოს თრმომეტრზე დაფიქსირებული მისი სხეულის ტემპერატურა. მესამე – ამომრჩევლებს უნდა აეკრძალოთ საკუთრი თერმომეტრით საარჩევნო უბანზე მისვლა”, – განაცხადა ზურაბ ჯაფარიძემ.
ცესკო-ს მიერ შემუშავებული რეკომენდაციების თანახმად, კენჭისყრის შენობაში შესვლამდე, თერმოსკრინინგს საუბნო საარჩევნო კომისიების წევრები და უბანზე ყოფნის უფლების მქონე პირები გაივლიან. ამომრჩეველი თერმოსკრინინგს არ გაივლის. თუმცა, ვალდებულია პირბადე ეკეთოს.
