გურჯაანში ინოვაციების ცენტრი გაქურდეს. ტექნოპარკიდან ათამდე კომპიუტერია წაღებული და ქურდობის ფაქტზე, სავარაუდოდ, დაწესებულების თანამშრომელია დაკავებული.
„პრაიმტაიმნიუსის“ ინფორმაციით, გამოძიებამ ეჭვი ტექნოპარკის თანამშრომელზე მიიტანა, რომელიც სამართალდამცავებთან თანამშრომლობს. ამ მიზეზით, ის პატიმრობიდან განთავისუფლებულია. ინოვაციების ცენტრიდან წაღებული ტექნიკა ნივთმტკიცებად ამოღებულია.
ტექნოპარკის დირექტორი, ეკა ცისკარაშვილი, ქურდობის ფაქტს ადასტურებს, თუმცა შემთხვევის თარიღსა და თანამშრომლის დაკავებაზე, საუბარი არ სურს.
ფაქტზე, გამოძიება სისხლის სამართლის კოდექსის 177- ე მუხლით მიმდინარეობს.
გურჯაანის ტექნოპარკი, საქართველოში რიგით მეექვსე ინოვაციური ცენტრია.
ავტორი: ხათუნა გულიაშვილი
