თურქეთის თავდაცვის მინისტრის, ჰულუსი აქარის განცხადებით, აშშ-ის მიერ თურქეთისთვის დაწესებული სანქციები თურქეთისა და აშშ-ის ერთობლივ ნაბიჯებს ზიანს აყენებს.
ინფორმაციას თურქული მედია ავრცელებს.
„გულწრფელად ვიმედოვნებთ, რომ აშშ თავის პოზიციას გადახედავს და ამ მცდარ ნაბიჯზე უარს იტყვის. თურქეთისთვის შეზღუდვების დაწესების საკითხი აშშ-ის პოლიტიკურ და სამხედრო წრეებში უნდა დააყენონ“, – განაცხადა თურქეთის თავდაცვის მინისტრმა.
შეგახსენებთ, რომ 14 დეკემბერს, რუსული საზენიტო-სარაკეტო კომპლექსი С-400-ის შეძენის გამო, აშშ-მ თურქეთს სანქციები დაუწესა.
