“ხელისუფლებამ გადადგა ნაბიჯები, მაგრამ საპირისპირო მიმართულებით. ხელისუფლება ზეწოლას ახორციელებდა გახელაძის ოჯახზე, რომ საკითხი არ გახმაურებულიყო და მას რეზონანსი არ შეძენოდა”,- ამის შესახებ ოპოზიციის წევრმა ელენე ხოშტარიამ განაცხადა “ინტერპრესნიუსთან” საუბრისას განაცხადა.
ამან ხელი შეუშალა ამ საკითხს, იმიტომ, რომ ჩვენი ერთდერთი იარაღი ეს არის, ამ საკითხების მიმართ საერთაშორისო ყურადღება. ეს გარანტია არ არის, მაგრამ შანსი არის ჩვენი თანამოქალაქეების დაცვის. აქ ხელისუფლება საპირისპიროდ მოქმედებს. პირიქით, ოჯახებს აჩუმებს და აჩუმებს იმ ხალხს, ვინც ამაზე ხმაურს აპირებს”, – განაცხადა ხოშტარიამ.
შეგახსენებთ, ოკუპირებული ცხინვალის ე.წ. უზენაესმა სასამართლომ საქართველოს მოქალაქეს, კასპის მუნიციპალიტეტის სოფელ ქვემო ჭალაში მცხოვრებ ზაზა გახელაძეს 12 წლით და 6 თვით თავისუფლების აღკვეთა მიუსაჯა.
