“კობახიძის განცხადება იყო სამარცხვინო, როგორც იურისტის და როგორც კონსტიტუციის მცველის, ყოველ შემთხვევაში, მას ეს სტატუსი უნდა რომ ჰქონდეს”, – ამის შესახებ „ლელოს“ დეპუტატმა ანა ნაცვლიშვილმა განაცხადა, რითაც გამოეხმაურა პარტია „ქართული ოცნების“ თავმჯდომარის პოზიციას, რომ „თბილისი პრაიდი“ არ უნდა ჩატარდეს.
„ამ საკითხზე პასუხი გაცემულია ქვეყნის კონსტიტუციაში, იმ კონსტიტუციაში, რომელიც გადაიხედა და მრავლობითად შეიცვალა ირაკლი კობახიძის საკონსტიტუციო კომისიის თავმჯდომარეობისას, მაგრამ მასაც კი და „ქართულ ოცნებასაც“ კი მშვიდობიანი შეკრების თავისუფლება არ გაუუქმებია კონსტიტუციაში, შესაბამისად, ამ კითხვაზე პასუხი არის ამ ქვეყნის ძირითად კანონში,“ – განაცხადა ნაცვლიშვილმა.
ცნობისათვის, ირაკლი კობახიძემ „თბილისი პრაიდის“ ღონისძიებასთან დაკავშირებით განაცხადა, რომ „ამ ადამიანებს, სრული კონტექსტის გათვალისწინებით, ამ ღონისძიების ჩატარებაზე უარი უნდა ეთქვათ“.
