კორონავირუსის შემთხვევების რაოდენობის მატების გამო, დიდ ბრიტანეთის ქალაქ ლესტერში კარანტინი გამოცხადდა. ინფორმაციას BBC-ი ავრცელებს.

ქალაქში დაიკეტება ყველა მაღაზია, საკვები პროდუქტების გარდა. ასევე, დაიკეტება სკოლები, რადგან ვირუსი ბავშვებს განსაკუთრებით შეეხო.

ქვეყნის ჯანდაცვის მინისტრმა, მეტ ხენკოკმა მოსახლეობას სახლში დარჩენისკენ მოუწოდა.

ბოლოდროინდელი მონემების მიხედვით, კორონავირუსის პანდემიის დაწყებიდან ქალაქში კორონავირუსის 3,216 შემთხვევა დაფიქსირდა. აქედან 944 შემთხვევა ბოლო ორი კვირის განმავლობაში გამოვლინდა.

აქვე, შეგახსენებთ, რომ:

ჩინეთის ჰუბეის პროვინციის ერთ-ერთ ოლქში მკაცრი კარანტინის რეჟიმი აღდგა.

გერმანიაში, ვარენდორფისა და გუტერსლოუს რაიონებში საყოველთაო კარანტინი ხელახლა გამოცხადდა.

ესპანეთში, პროვინცია უესკაში კორონავირუსის შემთხვევების დიდი რაოდენობის გამო, საკარანტინო რეჟიმი კვლავ ამოქმედდა.

სამხრეთ კორეის ჯანდაცვის სამინისტროს წარმომადგენლების განცხადებით, სამხრეთ კორეაში ახალი კორონავირუსის მეორე ტალღა დაიწყო.