ლანჩხუთში, მრავალსართულიან ბინაში ბუნებრივი აირის გაჟონვის გამო, აფეთქება მოხდა. აფეთქების შედეგად ორი ადამიანი დაშავდა. შემთხვევა ცოტა ხნის წინ გვარჯალაძის ქუჩაზე მდებარე ერთ-ერთი კორპუსის მეორე სართულზე მოხდა.
როგორც თვითმხილველები ყვებიან, სავარაუდოდ აფეთქება დაგროვილმა ბუნებრივმა აირმა გამოიწვია.
ერთ-ერთი დაშავებულის მდგომარეობა შედარებით მძიმეა. დაშავებულის თბილისის დამწვრობის ცენტრში გადასაყვანად „მედალფას“ კლინიკაში რეანომობილს ელოდებიან მეორე დაშავებულის, 20 წლის ახალგაზრდის მდგომარეობა დამაკმაყოფილებელია.
შემთხვევის ადგილზე პოლიცია და „სოკარ გაზის“ თანამშრომლები მუშაობენ.
შს-მ გამოძიება 124-ე მუხლით დაიწყო, რაც გაუფრთხილებლობის გამო ჯანმრთელობის დაზიანებას გულისხმობს.
ავტორი: ნინე ულუმბელაშვილი
